Itetem-An Ifugao-Tuwali Song

ITETEM

Itetem ta humgopak, 
Te teh tu an nakaktolak
An nalpuh nidaddawi
Nidaddawi-dawin boble
Itetem itetem inoh ta humgopak

Humgop ka humgop ka hi bale ta
Te neyan nakaktol ka hmm hmm
Humgopka hi bale ta te neyan nakaktol ka

Dumlig ka ta umbunak
Te teh tu an nakableyak
An nalpu nidaddawi
Nidaddawi-dawin boble
Dumlig kka Dumlig a inoh ta umbonak

Dumligak Dumligak ta umbon ta
Te neyan nakable ka hmm hmm 
Te neyan nakable ka Nunhilbi hi tatagu
Imnas (3x) balbalala Imnas
Balbalasibasem oh Imnas ay ay ay ay

Mun akud Ka ta mangan ta
Ti teh tu nakaaganganak
An nalpuh nidaddawi
Nidaddawi-dawin bole
mun akud ka mun akud ka inoh ta mangan ta

Mangan ta kanon tay intamu ta
Intamu ta an tinawon hmm hmm
Anun tay intamu ta intamu ta an tinawon

Iyabok mu ta malok ta
Ti teh tu makahuyhuyupak
An nalpuh nidaddawi
Nidaddawi-dawin bole
Iyabok mo Iyabok mu inoh ta malok ta

Hudhud: Summary of the tale of Aliguyon

This is a summary of a long tale chanted during the harvest in Ifugao.

Once upon a time, in a village called Hannanga, a boy was born to the couple named Amtalao and Dumulao. He was named Aliguyon. He was an intelligent, eager young man who wanted to learn many things, and indeed, he learned many useful things, from the stories and teachings of his father. He learned how to fight well and chant a few magic spells. Even as a child, he was a leader, for the other children of his village looked up to him with awe.

         

Upon leaving childhood, Aliguyon betook himself to gather forces to fight against his father’s enemy, who was Pangaiwan of the village of Daligdigan. But his challenge was not answered personally by Pangaiwan. Instead, he faced Pangaiwan’s fierce son, Pumbakhayon. Pumbakhayon was just as skilled in the arts of war and magic as Aliguyon. The two of them battled each other for three years, and neither of them showed signs of defeat.

         

Their battle was a tedious one, and it has been said that they both used only one spear! Aliguyon had thrown a spear to his opponent at the start of their match, but the fair Pumbakhayon had caught it deftly with one hand. And then Pumbakhayon threw the spear back to Aliguyon, who picked it just as neatly from the air.

         

At length Aliguyon and Pumbakhayon came to respect each other, and then eventually they came to admire each other’s talents. Their fighting stopped suddenly. Between the two of them they drafted a peace treaty between Hannanga and Daligdigan, which their peoples readily agreed to. It was fine to behold two majestic warriors finally side by side.    

Aliguyon and Pumbakhayon became good friends, as peace between their villages flourished. When the time came for Aliguyon to choose a mate, he chose Pumbakhayon’s youngest sister, Bugan, who was little more than a baby. He took Bugan into his household and cared for her until she grew to be most beautiful. Pumbakhayon, in his turn, took for his wife Aliguyon’s younger sister, Aginaya. The two couples became wealthy and respected in all of Ifugao.

Tagalog

Isang araw, noong unanang panahon, sa nayon ng Hannanga, ang mag-asawang Amtalao at Dumulao ay nabiyayaan ng isang anak na lalaki. Ang pangalan niya ay Aliguyon. Siya ay matalino at masipag matuto ng iba’t ibang bagay. Katunayan, ang napag-aralan niyang mahahalaga mula sa mga kasaysayan at pangaral ng kanyang ama ay marami. Natuto siya kung paano makipag-bakbakan nang mahusay, at paano umawit ng mga mahiwagang gayuma. Kaya kahit nuong bata pa, tiningala na siya bilang pinuno, at hanga ang mga tao sa kanya.

Nang mag-binata si Aliguyon, ipinasiya niyang sagupain si Panga'iwan, ang kaaway ng kanyang ama, sa nayon ng Daligdigan. Subalit ang sumagot sa kanyang hamon ay hindi si Panga'iwan. Ang humarap sa kanya ay ang mabangis na anak nito, siPumbakhayon, marunong ng hiwaga at bihasa rin sa labanan tulad niAliguyon.

Hindi naaling, pinukol ni Aliguyon ng sibat si Pumbakhayon. Kasing bilis ng kidlat, umiktad si Pumbakhayon upang iwasan ang sibat at, kagila-gilalas, sinalo sa hangin ang sibat ng isa niyang kamay! Wala pang isang kurap ng mata, binaligtad ni Pumbakhayon ang sibat at hinagis pabalik kay Aliguyon. Umiwas din si Aliguyon at sinalo rin ng isang kamay sa hangin ang humahagibis na sibat. Binaliktad din niya at ipinukol uli kay Pumbakhayon.

Pabalik-balik at walang tigil, naghagisan at nagsaluhan ng sibat siAliguyon at Pumbakhayon hanggang umabot ng 3 taon, hindi pa rin tumigil ang bakbakan, at walang nagpakita ng pagod o pagsuko. Subalit sa bangis at dahas ng kanilang paghahamok, kapwa sila humanga sa giting at husay ng kalaban, at pagkaraan ng 3 taong bakbakan, natuto silang igalang ang isa’t isa.

Biglang bigla, tumigil sina Aliguyon at Pumbakhayon at nahinto, sa wakas, ang bakbakan. Nag-usap at nagkasundo sila ng payapa (paz, peace) ng kanilang nayon ng Hannanga at Daligdigan. Buong lugod na sumang-ayon lahat ng tao sa 2 nayon, at ipinagdiwang nila ang kampihan ng 2 bayani.

Sa paglawak ng katahimikan, umunlad ang dalawang nayon. Naging matalik na magkaibigan sina Aliguyon at Pumbakhayon. Nang sapat na ang gulang ni Aliguyon, pinili niyang asawa si Bugan, ang batang-batang kapatid na babae ni Pumbakhayon. Inalagaan niya sa bahay si Buganhanggang lumaki itong napaka-gandang dalaga.

Ang pilining asawa naman ni Pumbakhayon ay ang kapatid na babae ni Aliguyon, si Aginaya. Ang dalawang pamilya ay yumaman at iginalang ng lahat sa Ifugao.

Hudhud: Bugan an Imbayagda (Tuwali)

Tuwali version of Bugan, the Rejected Child

1

1 Indina ad dallinda kamaligda ya nangbunanda, hi ad Gonhadan

2 Inay Indangunay na Dangunay yana o..ya, o an in Panga’iwan

o..e

3 Pamadpamadana nah ladakan dah baleda peh gawana ya gawanadna,

hi ad Gonhadan.

4 Ya pindonay Bugan an hi Bugan nayya o..ya, o ay nak

Panga’iwan o..e

5 Ot inkapyanay gagam Bugan an hi Bugan nayya ngadana,

o an nak Panga’iwan.

6 Tipe kah-in maki-kieka an hi Bugan nayya o..ya, o an nak

Panga’iwan o..e

7 Kombot mabugawan tah dalan nah hinal-on di nun-hanal-on

hinal-o ya kabobboble,

8 Ta eta mumbagah tah in-og da hi ablan inam an hi Indangunay

na Dangunay yana, o..ya, o an in-Panga’iwan o..e

9 Mungkuyugda ihunod dah ohladan umaldattanda lita-anganda,

hi ad Gonhadan;

10 Mungkohop dah dalan nah hinal-on di nunhanal-o o..

ya, kabobboble nemah o..e

11 Pal-iwanda ya pimantal dah pantal nah kadaklan hi

agpawanda, hi hi ad Huyadan.

12 Inoy imaddu day duma-lup hi in-ungan di bimoblen

bulalakkin na o..ya, o i-Huyadan nema o..e

13 He-a ke Bugan ay hi Bugan nana, di ngadana,

an hi nak Panga’iwan.

14 Ya makida-lup kah in-ungngan di bimmoblen

bulalakkin na, o..ya an i-Huyadan, nema o..e

15 Ta gawaok di kagawan ya gawanadna, hi ad Huyadan."

16 Indangunay linad-ang nay punbanggan na bananuh

agpawanda o..ya, o ad Huyadan nema o..e

17 Pal-iwana ya dintong nay atuyug di bimoblen bulalakkin

wada giligna ya giddena, o an i-Huyadan.

18 Ya in-ohnong nah daulon umaldattanda o..ya, o ad Huyadan

nema o..e

19 Nakaillung-ah Indumulao kay Dumulao ana di ngadana, a an

nun in-Amtalao,

20 "Nakayan dinutuk ditah mungkablan ya nunhanal-o o..ya,

kabobboble nema o..e

2

21 "Ya impidit nah liddingan di ambayungan di-i butung

nam di ya dinallingding

22 Ya lah-unonay ohladan umaldattana o..ya, o an

in-Panga’iwan.

23 Paldunganah Indangunay na Dangunay nana,

o an in-Panga’iwan.

24 Numbiyen da nah ohladan umaldattanda o..ya, o

ad Huyadan nema o..e

25 On hapitmu Indumulao kay Dumulao ana, o an nun

in-Amtalao:

26 "Hiddan mun nungkablan egimawah kagawan tuh gawana

o..ya, o ad Huyadan nema o..e

27 "Man-uke gimawak ya inggawak hi Bugan an hi Bugan nana

ngadana, o an nak Panga’iwan,

28 An ek igatang hi ablan ku ad indinan ad dallinda

kamaligda imbunanada, hi ad Gonhadan."

29 "Tipet kah-in di gatangon hi Bugan an hi Bugan nayya

o..ya o an nak Panga’iwan o..e"

30 "Takombo te igatangku damdama," kalyon Dangunay ya

ngadana, o an in-Panga’iwan."

31 "Takombo mu hogpontay tumindung an baletakuh peh gawana

ya gawanadna, hi ad Huyadan."

32 Eta gammalon di limangaon inda-din dah duylungda o..ya,

Dangunay yana, o an in-Panga’iwan.

33 "Man uggeyak man naupah," an kalyon Indangunay na

Dangunay yana, o..ya, o an in-Panga’iwan o..e

34 Indumulao an ingguyud nah ablan indawat nan Dangunay ya

Dangunay yana o..ya, o an in-Panga’iwan o..e

35 "Omman iliglig kuy dalanok," an kalyon Indangunay ya

Dangunay yana, o an in-Panga’iwan,

36 "Ta adiyak motwaon ke Bugan an hi Bugan nayya o..ya, o an

nak Panga’iwan o..e"

37 Ya kon ne bon timingay algon nan umalgon algon na hi

algodna ya nangimbukig.

38 Ya pinitonay punbanggan na bananuh agpawanda, hi ad

Huyadan;

39 Ya in-ohnong mu banhan nah punbangga na bananuh agpawanda

o..ya,o ad Huyadan nema o..e

40 An tingkukam hi Bugan an hi Bugan nana ngadana, o an nak

Panga’iwan.

3

41 Inay kattog an intangad Bugan an hi Bugan nayya

o..ya, o ay nak Panga’iwan o..e

42 "Kon eh inah diyen," kalyon Bugan an hi Bugan nana,

o an nak Panga’iwan.

43 "Inay ot immibayag hi inan Dangunay na Dangunay yana

o..ya, o an in-Panga’iwan o..e"

44 Ne kattog hi Bugan intikid na tininganay pantal nak

kadaklan hi agpawanda, o ad Huyadan.

45 Linad-ang nay punbanggan na bananuh agpawanda o..ya, o

ad Huyadan nema o..e

46 Inay kattog Bugan napuddan nah punbanggan na bababuh

agpawanda, o ad Huyadan.

47 Inoyda atuyug day bimoblen bulalakkin na o..ya, o ad

Huyadan nema o..e

48 Otne imbohwat dah nah ugo ya umandoy da nah bannutan.

49 Hogpon day tumindung an baleda peh gawana, o ad Huyadan.

50 Indumulao indap-unan intulud di ligau nah huguhug nah

baleda peh gawana ya gawanadna, hi ad Huyadan.

51 Punyagyag nay himbatawil an pageh tumindung an baleda

peh gawana o..ya, o ad Huyadan nema o..e

52 Intulud nan Bugan an hi Bugan nana, o an nak Panga’iwan.

53 Ya ul-ulluton kattog Bugan an hi Bugan nayya o..ya,

o an nak Panga’iwan o..e

54 Ya an neh Indumulao kay Dumulao ana, o an nunin-

Amtalao,

55 Ya lah-unonay ohladan umaldattanda o..ya, o ad Huyadan

nema o..e

56 Ena yap-awon di bannutan ta waet makkayyap-o on impa-en,

Indumulao ya Dumulao ana, o an nun in-Amtalao.

57 Impaayagnan Bugan di inulutnah tumindung an baleda

peh gawana, hi ad Huyadan.

58 Inlah-una inkidung nah pambiyuwan hi ohladan umaldattanda

o..ya, o ad Huyadan nema o..e

59 Impidit na bannutan ya annakkayang makaddam-ot di

bannutan hi ohladan umaldattan da lita-angan da o

ad Huyadan.

60 Ne takon anhan anhan kattog an-anutan Bugan an hi Bugan

nayya o..ya, o an nak Panga’iwan o..e

4

61 Kay anhan ot lop-ahonay binayuna ohladanda umaldattan

dah lita-angan da, hi ad Huyadan.

62 Taopana ot idawat nan Indumulao kay Dumulao ana o..ya,

o an nun in-Amtalao o..e

63 Ya inuy-uy na boy paluttan hi ohladan umaldattanda

lita anganda, o ad Huyadan

64 "Anakkayang on dan eyak kattog pakappha-on ke tuwen,"

kalyon Bugan an hi Bugan nayya o..ya, o ay nak

Panga’iwan o..e

65 Pah-onona ta ipitonah pun-ub-ubbuha nah punbanngan na

bananuh agawanda, hi ad Huyadan.

66 Ni-mon wadaday in-ungan di bimoblen bulalakkin na o..ya,

i-Huyadan nema o..e

67 "Homkonak di banhan ta ilad-ang yuy paluttan hi tumindung

an baleda peh gawana, hi ad Huyadan."

68 Ot hinhimokyun in-ungan di bimoblen bulalakkin na o..ya,

o i-Huyadan nema, o..e

69 Ot idawat dan Indumulao kay Dumulao ana o..ya, o an nun

in-Amtalao o..e

70 Inoy an napnuy ligaun indawat nan Bugan an ay Bugan nayya,

kattog anhan, o an nak Pagaiwan.

71 "Anakkaya banhan hi inan hi Indumulao mu ta ot punggamalon

ditan," kalyon Bugan an hi Bugan nayya

o..ya, o an nak Panga’iwan o..e

72 Umat boh galaygaynan linullumbagan kattog di galaygay

Bugan an ay Bugan nana, o an nak Panga’iwan.

73 Mu takon on ihanhanakul nan mumbayubbayu nah ohladan

umaldattanda o..ya, o ay Huyadan nema o..e

74 (Loktat ya ingiddena ya himbatangan boy algodna ya hi

algodna, ya nangimbukig.)

75 Oya gimuguwok han balangbang Aliguyon Dagdaguyon nana

o..ya, o an hi nak Amtalao o..e

76 An nabangad an obimoykat hi hinal-on di nunhanal-o ya

hinal-o ya kabobobble.

77 Oya totokkolonay Bugan an hi Bugan nayya o..ya, o ay nak

Panga’iwan o..e

78 Inhablenay balangbangna nah pakid di baleda peh gawana ya

gawanadna, hi ad Panga’iwan o..e

79 Impiditnah bannutan ahhudanay Bugan an hi Bugan nayya,

o..ya o an nak Panga’iwan

80 Nadnadngolan Indumulao kay Dumulao ana, o an nun in-

Amtalao

5

81 Nakaillung-ah-nah hagpon di tumindung an baleda

peh gawana, hi ad Huyadan.

82 "Man he-ake Aliguyon Dagdaguyon nayya o..ya, o an

hi nak Amatalao o..e

83 Omman adim ahhudan te omman ginatangkun ablan taku

kagawan tuh gawana ya gawanadna, hi ad Huyadan."

84 Ne ot yan adi mangngol hi Aliguyon Dagdaguyon nayya

o..ya, o an hi nak Amtalao

85 Bimmoh-ol hi Indumulao kay Dumulao ana, o an nun-in-

Amtalao,

86 "Kombot dehnay kadwan di tumundung an baletakun gawana

ya gawanadna, hi ad Huyadan."

87 Nun-am-amlong ot yay Aliguyon Dagdaguyon nayya o..ya,

o an hi nak Amtalao o..e

88 Ot linop-ada taopanda ot ighop dah kadwan man tumindung

an baleda peh gawana ya gawanadna, e ad Huyadan.

89 Ta neh Aliguyon an mangada-din hinah tumindung an

baleda peh gawana o..ya, o ad Huyadan nema o..e

90 Kay anhan ot linutu day limingaon inda-din dah

dulungda umayada, hi ad Huyadan.

91 Akudunat itulud nah dinad-an Bugan an hi Bugan nayya

o..ya, o ay nak Panga’iwan o..e

92 Ot nabhug dat pawaklin da ot idlig day imadadah

pamadingan nah baleda peh gawana ya gawanadna, o

ay Huyadan.

93 Ya gintud na boy mungkahilong boy algodna o..ya, ya

nangimbukig nema o..e

94 Mungug-uggipan da ta nganay emawa-way kubbuhanda

bigbigatdah gawana ya gawanadna, hi ad Huyadan.

95 An ney hapit Aliguyon Dagdaguyon nayya o..ya, o an

hi nak Amtalao o..e

96 "Nayya ta eta munyaya hi punbanngan na bananuh

agpawanda, o ad Huyadan."

97 Indinan ad dallinda kamaligda ya nangbunanda, o

ad Huyadan,

98 Mun-ogog-ada malmalya dah dalan na hinal-on dim

nunhanalo..ya, abobboble nema o..e

99 Inikhop dah pantal nah kadaklan hi agpawanda, hi

ad Huyadan,

100 Linad-ang day punbanngan na bananuh agpawanda o..ya,

o ad Huyadan nema o..e

6

101 In-ohnong bon Aliguyon Dagdaguyon nana, o an da nak

Amtalao;

102 Imbughut nah liddingan di ambayungnan di-i o..ya

dinallingding ading o..e

103 Mumbiyebbiyen dah punbanngan na bananuh agpawanda

numpayawanda, hi ah Huyadan.

104 Ingkub-it nay liddingan di ambayungnan di-i o..ya

dinallingding ading o..e

105 Ya mumbakabakag da boh punbanngan na bananuh agpawanda

numpayawanda, hi ad Huyadan.

106 Athidih kabigbigat pe tuh dagawan tuh gawana o..ya,

o ad Huyadan nema o..e

107 Inay hapit ten Bugan an hi Bugan nana, e an in-Aliguyon,

108 "Ondan he-a adita numbangad," an kalyonan Aliguyon

Dagdaguyon n ayya o..ya, o an hi nak Amtalao o..e

109 "Man dumi-yun ta ta ingganay ibokla tay punbanngan na

bananuh agpawanda, hi ad Huyadan."

110 "Oya innum mon he-a di gulukay nah kagawan tuh gawana

o..ya o ay Huyadan nema o..e

111 "Mumbangadak man pe," kalyon Bugan an hi Bugan nana,

o an in-Aliguyon.

112 "Mu ondan adika udot mahiwon mahilngan hi nah hinal-o di

nunhanal-on o..ya, o kabobboble nema o..e?"

113 Bugan mon inlukhu nah pa ntal nah dadaklan hi agpawanda,

hi ad Huyadan.

114 Pal-iwanat nidattong ad indinandad dallinda kamaligda,

hi ad Huyadan.

115 Ya don enahdom nakahillong boy algodna o..ya, o

nangimbukig nema o..e

116 Nen kimayakabakab day gulukay hi tumindung nah baleda

peh gawana ya gawanadna, hi ad Huyadan

117 Ot ya abuh bugan hogponay tumindung an baleda peh gawana,

hi ad Huyadan.

118 Ot taganay banawat hi pundap-ulan nah baleda peh gawana

o..ya, o ad Huyadan nema o..e

119 Ya ne ot yah Indumulao kay Dumulao ana, o an nun in-

Amtalao,

120 An giligonay nunggilig di bulalakkin na o..ya, o ad

Huyadan nema o..e

7

121 Dimatong hi tumindung an baled peh gawana, hi ad Huyadan,

122 Nakaillung-ah uya hapon nah baleda peh gawana o..ya, o

ad Huyadan nema o..e

123 "Ne andaan moy Aliguyon Dagdaguyon nana, o an hi nak

Amtalao?"

124 "Omman hi Aliguyon ya dimi-yun hi ad indinad dallinda

kamaligda nangbunanda, no ad Halladung,

125 Nangamung kanuy iboklanay punbanngan na bananuh agpawanda

o..ya, o ad Halladung nema o..e"

126 Adika ot mahuyaman, Bugan an ay Bugan nana, o..ya, an

in-Aliguyon."

127 Inay an mangey nomnom Bugan an hi Bugan nana, kattog

anhan, o an in-Aliguyon."

128 "Oya nen edita bo kattog ipidwan igatang hi mungkabla ya

nunhanal-o o..ya, o kabobboble nema o..e

129 O ta iphod mo kattog bugan o ay Bugan nana, o an in-

Aliguyon o..e

130 Maid aga timalan-uy gulukay an hi kinob-al nah baleda peh

gawana, hi ad Huyadan.

131 Ot mun-ada-din ka Bugan an hi bugan nayya o..ya, o

an in-Aliguyon o..e

132 Ya linutu nat akudona mo munggagammal hi Bugan an hi Bugan

Bugan nana, o an in-Aliguyon.

133 Damuna bo ya nakaillung -ah Indumulao kay Dumulao ana

o..ya o an nun in-Amtalao,

134 Galgal-an munggamal Bugan ay Bugan nana,

o an in-Aliguyon

135 Te anda-dai mo ot igide nay babana an hi potang ana

o..ya, nangimbukig nema o..e

136 Hohonnan kattog Bugan impa-enay inuggona nah tumindung an

baleda peh gawana, o ad Huyadan.

137 Lah-unonay ohladan umaldattanda o..ya, o ad Huyadan nema

o..e

138 Kaya makattun-ud dah dalan nah hinal-on di nunhanal-on na

hinal-o, o kabobboble.

139 Pimantal dah pantal nak kadaklan hi agpawanda o..ya, o ad

Halladung nema o..e

140 Ya numpanu namuddawe mamaddikit nah habbiyan nah duntugna

oya bulludna, ya numpatangan.

8

141 Imma-ablat da nah habbiyan na duntugna o..ya, ad Numpatangan

nema o..e

142 In-ohnongmu Indumulao kay Dumulao ana, o an nun in-

Amtalao.

143 Imbughut nah liddingan di ambayung nan di-i o..ya,

dinallingding ading o..e

144 Numbiyebiyen nah habbiyan na duntugna ya bulludna, ad

Numpatangan.

145 Pahiknad nat ikub-it nay liddingan di ambayunganan di-i

o..ya, dinallingding ading o..e

146 Ot mundaydayyu dukugonay habbiyan na duntugna ya bulludna,

an ay Numpatangan

147 Inikhop dah pantal nah kadaklan hi agpawanda o..ya, o ad

Huminang nema o..e

148 Linad-ang day punbanngan na bananuh agpawanda, hi ad

Huminang.

149 Pal-iwanda hihidol da nah bimoblen bulalakkin na o..ya,

o i-Huminang nema o..e

150 Ne ot nay-unon day pambiyuwan hi ohladan umaldattanda

lita-anganda, hi ad Huminang.

151 Ya nakaillung-ay Magappid magmagappid ana o..ya, o

an in-Dinug-anan o..e

152 Nakayan dinutuk ditah mungkabla ya nunhanal-o nah hinal-o

kabobboble o..e

153 Ne ot yan impidit nah liddingan di ambayungan di-i o..ya,

an dinallingding ading o..e

154 Ya umhep hi ohladan umaldattanda lita-aganda, hi ad

Huminang.

155 Numbiyen dan Indumulao kay Dumulao ana o..ya, o an

nun in-Amtalao o..e

156 "Hiyadan yun egimawah dagawan tun gawana ya gawanadna, hi

ad Huminang?"

157 On dan mibaghagay Indumulao kay Dumulao ana,

o..ya, o an nun in-Amtalao o..e

158 "On man inggawak hi Bugan an hi Bugan nana, ot anhan, o

an in-Aliguyon,

159 An ek igatang hi dayakkot hi ad indina ad dallinda

kamaligda, imbunanda, hi ad Huyadan!"

160 "Innakkayang on dan kah-in gatangok hi Bugan an hi Bugan

nana o..ya, o an in-Aliguyon o..e"

9

161 "Kombo te igatangku damadaman," kalyon Indumulao kay

Dumulao ana, o an nun in-Amtalao.

162 Magappid mon impidit nah limay botok an dayakkot dah

kagawan di gawana ya gawanadna, o ad Huminang,

163 Indawat nan Indumulao kay Dumulao ana o..ya, o an nun in-

Amtalao o..e

164 Gukuhan mon Indumulao kay Dumulao ana ngadana, o an nun

in-Amtalao.

165 Agtuwonat idakkang nah dalan nah hinal-on di nunhanal-o

o..ya, o kabobboble nema o..e

166 Oya pal-iwanat nidatong ad indina ad dallinda kamaligda

imbunanda, hi ad Huyadan.

167 Ya enahdom nakalillong boy algodna o..ya, an nangimbukig

nema o..e

168 Bohwatonay duwido na ta hogponay tumindung an baleda peh

gawana ya gawanadna, hi ad Huyadan.

169 Damuna boy datngan Aliguyon Dagdaguyon nayya o..ya, o an

hi nak Amtalao o..e

170 Ya nidattong hi tumindung an baleda peh gawana ya gawanadna,

hi ad Huyadan.

171 "Daan mo kanuy Bugan an hi Bugan nayya o..ya, o an in-

Aliguyon o..e"

172 Ot Aliguyon giligonay nunggilig an bulalakkin wadah giligna,

giddona, hi ad Huyadan.

173 Intangad nan Indumulao kay Dumulao ana o..ya, o an nun in-

Amtalao o..e

174 "Daan mog Bugan an hi Bugan nana, o an in-Aliguyon?"

175 Ya adi kumalih Indumulao kay Dumulao ana o..ya, o an nun

in-Amtalao o..e

176 Ya bimoh-ol ka Aliguyon Dagdaguyon nana, o an hi nak

Amtalao.

177 Impidit nah demoniyu impatu-ug nah tumindung an baleda

peh gawana ya gawanadna, hi ad Huyadan;

178 Ya kimmaynit hi Indumulao kay Dumulao ana o..ya, o an nun

in-Amtalao o..e

179 "On man hi ke Bugan ya wadad indina ad dallinda kamaligda

ya nangbunanda, hi ad Huminang."

180 Neh Aliguyon inhunod nah tumindung an baleda peh gawana,

hi ad Huyadan.

10

181 Ya hogponay tumindung an baleda ped gawana peh,

o..ya, o ad Huyadan, nema o..e

182 Ya manibanay agigitna intanodna impaladnay tumindung

an baleda peh gawana, hi ad Huyadan.

183 Ya binohboh-ol na impukhunay gimbatana nah pakid di baleda

peh gawana o..ya, ad Huyadan nema o..e

184 Ya inkonakom nay gimbatana nah dulungda kiddudiddungla, o

ad Huyadan.

185 Ya kon butikonay hinal-on di nunhanal-o o..ya, kabobboble

nema o..e

186 Ya pal-iwanay dalan ya inikhop nah pantal ya kadaklan hi

agpawanda nangawaanda, hi ad Halladung.

187 Minotwanay mammudawen matikid an habbiyan na duntugna

o..ya o ad Halladung nema o..e

188 In-ablatna hi abbiyan an duntugna nah bulludna, ad

Numpatangan.

189 Inoy ya in-uhdung na indina ad dallinda kamaligda nangbu

nanda hi ad Huminang.

190 Nundayyu pundayuday pambiyena nah duntugna o..ya,

Numpatangan nema o..e

191 Ya nunggawa kan natoltolwag boy algonda ya algodna, ya

nangimbukig

192 Ya minotwawaan da Bugan ke Daulayan ay Daulayan nayya

o..ya, o an hi nak Dinug-anan

193 An ne kattogna makkatun-ud da nah punbanggan na bananuh

agpawanda numpayawanda, hi ad Huminang.

194 Ininuda bo ot gawaon da tuh kagawan tun gawanadna o..ya,

o ad Huminang.

195 Indina ad dallinda kamaligda ya nangbunanda, o ad Huminang;

196 An muntuntun-ud dah punbanggan na bananuh agpawanda

o..ya, o ad Huminang nema o..e

197 Ya minotwan Aliguyon Dagdaguyon nana o..ya, an hi nak

Amtalao o..e

198 " An de damdaman inda-lop inalindat dah Bugan an hi nana,

o an in-Aliguyon."

199 Hi Aliguyon mon mundayyu dukugonay habbiyan na duntugna

o..ya, hi ad Numpatangan nema o..e

200 Imaludana hi pantal nan kadaklan da hi agpawanda nawaanda,

hi ad Halladung.

11

201 Pangpangbunanay numpillak hi pantal hi kadaklan hi

agpawanda o..ya o ad Halladung nema o..e

202 Imbughut nah dinallingding an di-i ambayungan di butung

nan di an dinallingding;

203 Munnomnomnom ay Aliguyon Dagdaguyon nayya o..ya, o an hi

nak Amtalao o..e

204 Impahiknad na ot ya abuy ya tindogna ya ginayop nay pantal

nak kadaklan hi agpawanda nunaanda, hi ad

Halladung.

205 Daan ot moy mamagmagyan mamaddikit an di-e o..ya, i-

Halladung nema o..e

206 Duma-lupan dah kadaklan hi agpawanda, hi ad Halladung.

207 Minotwanay Aliguyon an nunlingey pantal an kadaklan hi

agpawanda o..ya, o ad Halladung nema o..e

208 Butbutikonat egumah kagawan tun kagawan da gawanadna, o

ad Halladung;

209 Dinatnganay Aguinayan Aguinayan na, o an in-Aliguyon o..e

210 "Man makadinolka Aguinaya na, o an in-Aliguyon,

211 Nu man dehdi man hi Aliguyon an nunlingayanay pantal nah

kadaklan hi agpawanda, hi ad Halladung."

212 Aguinaya mon munggag-ah aamod an bulalakkin na o..ya,

i-Halladung nema o..e

213 De moy aamod mon pitawon day pantal nah kadaklan hi

agpawanda nunggawaanda, o ad Halladung.

214 Eda iabbay Aliguyon Dagdaguyon nayya o..ya, o an hi nak

Amtalao o..e

215 Igawa dah kagawan tuh gawana ya gawanadna, hi ad Halladung.

216 "Da-yu ken aayod an bulalakkin na o..ya, an i-Halladung

nema o..e

217 On ayu mangalah kawayan an kapyaon yuh haludgag Aliguyon

Dagdaguyon nana, o an hi nak Amtalao."

218 Loktat enunggaway nan algod na o..ya, ya nangimbukig nema

o..e

219 Impahiknad day haludag Aliguyon Dagdaguyon nana, o an hi

nak Amtalao.

220 Inhaludag da moh pamalin hi dinaulon nah baleda peh gawana

ya gawanadna, hi ad Halladung.

12

221 Gibbuhon yun humangaon mamagmagyan mamaddikit an di-i

o..ya, an i-Halladung nema o..e

222 Loktat ya nun-indingngol hi hinal-on di nunhanal-o nah

hinal-o kabobboble.

223 Inhidol nah dallinda kamaligda ya nangbunanda, hi ad

Huminang.

224 Nangnangolan Bugan an hi Bugan nayya o..ya, an in-Aliguyon

o..e

225 Aganna pe ta kimkimaok hi nunggilig hi bulalakkin wadah

giligna giddena, o ad Huminang.

226 Dinatnganay magawogawong an aamod an bulalakkin na o..ya,

an i-Halladung nema o..e

227 Ialiyu dit apulak han mom-on Bugan an hi Bugan nana, o an

in-Aliguyon

228 Im-ma-id yun asunmod an bulalakkin o..ya, an i-Huminang

nema o..e

229 "Tehtuy hin-it-ay mu itabbin min ehumungdu hi indinan ad

dallinda kamaligda imbunanda, hi ad Halladung."

230 Intippetipen Bugan an hi Bugan nayya o..ya, o an

in-Aliguyon o..e

231 "Ekami makimotwah nunlingayan Aliguyon Dagdaguyon nana,

o an nak hi nak Amtalao."

232 "Inay ot had-on yu dih Bugan an hi Bugan nayya o..ya, o

an in-Aliguyon o..e

233 Aga ot ni-an ta ek ibagan inan Bugan hi Magappid Magmaggapid

ana, an in-Dinug-anan."

234 Bugan an inhunodnah nunggilig an bulalakkin o. .ya, i-

Huminang nema o..e

235 "He-a ke inan Magappid Magmagappid nana, o an in-Dinuganan,

236 Umbun mu ot te makikieyak hi aamod an bulalakkin na

o..ya, i-Huminang nema o..e

237 "Eyak makimotwah nunlingayan kanun Aliguyon Dagdaguyon

nana, kattog anhan, o an hi nak Amtalao."

238 "Kombo-ot," an kalyon Magappid ana o..ya, o an nak Dinuganan."

239 "Mu ta wada hi tulang mun hi Daulayan

Daulayan nana, o an nal Dinug-anan."

240 "Numbalyag hi umali ke ya hungduwonay dalan nah hinal-o

di nunhana-o o..ya, kabobboble nema o..e"

13

241 Neh Bugan an kayintalliling nidattong hi aamod an bulalakkin

wadah giligna giddena, an i-Huminang.

242 Makikie mo indakangna nah hinal-on di nunhanal-o o..ya,

kabobboble nema o..e

243 Pal-iwanda ot inikhop dah pantal nah kadaklan hi agpawanda,

hi ad Halladung.

244 O ya ta ilad-ang dah punbanggan na bananuh agpawanda

o..ya, o ad Halladung nema o..e

245 O ya hi Bugan an mamukpukail hi aamod an bulalakkin wadah

giligna giddena, o ay Huminang.

246 An hiyay namangulun ehumigup hi tumindung an baleda peh

gawana ya gawanadna, o ad Halladung.

247 Inay an in-ayuduk nah daulon nakaidupit hi Aliguyon Dagdaguyon

nana o..ya, o an nak Amtalao o..e

248 Ya kindom nay aguyayopnah daulon di tumindung an baleda

peh gawana ya gawanadna, hi ad Halladung.

249 Inay hi Daulayan nayya o..ya, o an nak Dinug-anan o..e

250 Nabangad an ebimoykat hi hanal-on di nunhanal-on hinal-o

kabobboble.

251 "Andaan boh Bugan an hi Bugan nayya o..ya, o an

in-Aliguyon o..e"

252 "Omman hi ke an nakikieh aamod an bulalakkin wadah

gilig na, ay i-Huminang;

253 Ekanu makimotwah nunlingayan Aliguyon Dagdaguyon nayya

o..ya, o an nak Amtalao o..e"

254 "Takon ot anhan ya hin-od nah tulangnan hi Daulayan ay

Daulayan nana, o an nak Dinug-anan."

255 "Man pe hay hapitna kalyonay hinapugnay mangun-unud ka

nah hinal-on di nunhanal-o o..ya, kabobboble nema

o..e"

256 Daulayan bo damdaman malmalya hinal-on di nunhanal-o an

kabobboble.

257 "Adiyu anhan inol hi aguyu bimoblen bulalakkin na o..ya,

o ad Halladung nema o..e"

258 In-uhdung nah nihdiyan di tumindung an baleda peh gawanay

gawanadna, hi ad Halladung.

259 "Omman kadiwan mu tulangkun hi Aliguyon Dagdaguyon nayya

o..ya, o an hi nak Amtalao o..e

260 Te man ket ginawan di kagawan tun gawana ya gawanadna, o

ad Huminang

14

261 On dan makallam-ok ya waday nangipaliknad ke Bugan an hi

Bugan Bugan nana o..ya, o an in-Aliguyon.

262 Wada ot an imbangad muh Bugan an hi Bugan, ot anhan, an

in-Aliguyon."

263 Daulayan mon idu-yu nah dallinda kamaligda nangbunanda, hi

ad Halladung.

264 Ta ni-moy eha ikulung da Bugan ke Aliguyon Dagdaguyon

nayya o..ya, o an hi nak Amtalao o..e

265 O ya ituluknah kagawan tuh gawana ya gawanadna, ay ad

Halladung.

266 Ta den ena ikulung da Bugan ke Aliguyon Dagdaguyon nayya

o..ya, o an hi nak Amtalao o..e

267 Lad-angon da hulungon day kadaklan hi agpawanda o..ya, o

nun-alanganda, hi ad Halladung.

268 Inay dimtong day kapulun di alang hi agpawanda o..ya, o

ad Halladung nema o..e

269 In-ohnong yun aamod an bulalakkin wadah giligna ya gidde

na, ay i-Halladung.

270 Den imbohwat da nah ohladan taytayda ya umandoy da, uda-oy

da nak bannuta.

271 Idot-al da nah dulug nay alang hi agpawanda o..ya, o ad

Halladung nema o..e

272 Daulayan ha hogpona ya idawatna da Bugan ke Aliguyon

Dagdaguyon nana, an hi nak Amtalao.

273 Indokop nah di nit-ob an patyeh alanda hi agpawanda

o..ya, ad Halladung nema o..e

274 "Adiyu kayamaabuyhan Bugan ya hi Aliguyon Dagdaguyon nana,

an hi nak Amtalao."

275 Ta nen naunoga ot ipabangad day lakbin di nadulug an alang

hi agpawanda o..ya, o ad Halladung nema o..e

276 Ya ot mumpunbangad day aamod an bulalakkin wadah giligna

giddena, hi ad Huminang.

277 Hi Daulayan an mumbangad bod indina ad dallinda kamaligda

ya imbunanda, hi ad Huminang.

278 Pal-iwan dah kagawan tuh gawana o..ya, o ad Halladung

nema o..e

279 Nala-u han himbulan ot nagudwah kagawan tuh gawana ya

gawanadna, hi ad Halladung.

280 Inay an e hi Aliguyon Dagdaguyon nayya o. .ya, o an hi nak

Amtalao o.e

15

281 Imbad-ung na nah indinan ad dallinda kamaligda ya nangbunandaay

ad Banawol.

282 Indutuk na nah nadulug an alang hi agpawanda o..ya, o ad

Banawol nema o..e

283 Kayang an kimayakap day gulukay hi altugan punlingayon

Aliguyon Dagdaguyon nana, an hi nak Amtalao.

284 Loktat inindi nay himbtangan boy algod na o..ya, nangimbukig

nema o..e

285 Inay hi Binenwahen emamungkung hi gulukay nah nadululug an

alang hi agpawanda ya nun-alanganda, hi ad

Banawol.

286 Ya nangimolgahanay unga-unga nah daulon hi daulon

di alangda hi agpawanda o..ya, o ad Banawol

nema o..e

287 Inakkayang takon mam bo ta adita punlingayon hi gulukay hi

nadulug an alang hi agpawanda, hi ad Banawol.

288 De bon pumatapat dah altugan Aliguyon Dagdaguyon nayya o..

ya, o an hi nak Amtalao o..e

289 "Inay an hiddan mu man unga-unga an egimawah nadulug an

alang hi agpawanda, ya nun-alanganda, hi ad Banawol?"

290 "Kon mibagbagay Aliguyon Dagdaguyon nayya o..ya, o an nak

Amtalao.

291 Ya igawana moy Aliguyon Dagdauyon nayya o..ya, o an hi

nak Amtalao o..e

292 Pal-iwanda ihidol dah atuyug di bimoblen bulalakkin wadah

giligna

293 O an pinitonay nadulug an alang hi agpawanda nun alangan

da, o ad Banawol.

294 Minotwanay Aliguyon Dagdaguyon nayya o..ya, o an hi nak

Amtalao o..e

295 "Hiddan mum ungan impunngadan muh egimawah dulung nah

alang hi agpawanda, nun-alangda, hi ad Banawol?"

296 "On dan mibagbagay Aliguyon Dagdaguyon nayya o..ya, an hi

nak Amtalao o..e

297 Mun-uke ginawak di kagawan tuh gawana ya gawanadna, hi ad

Banawol,

298 Ommal nunlingayak ad dallinda kamaligda ya nangbunanda, hi

ad Halladung.

299 Ot kaina imbad-ung dallinda kamaligda, o ad Banawol."

300 O ya In-unay mo ya igawanay Aliguyon Dagdaguyon nayya o..

ya, an nak Amtalao o..e

16

301 An nihidol da nah atuyug di bimoblen bulalakkin wadah

giligna giddena, o ad Banawol.

302 Ta hinggop day tumindung an baleda peh gawana o..ya, ad

Banawol nema o..e

303 Ya an imangdad day limangaon inda-din dah nah dulung da

dumayad, ad Banawol.

304 Ya adi munggammal hi Aliguyon Dagdaguyon nayya o..ya, o

an hi nak Amtalao o..e

305 Inoy hapit bon In-uyay ya Inuyay ngadana, o an in-Binenwahen,

306 "An way papto-na an adika munggammal Aliguyon Dagdaguyon

307 Ima-ma-id Aliguyon Dagdaguyon nana, o an hi nak Amtalao.

308 Athidih kabigabigat hi kagawan tuh gawana ya gawanadna, o

ad Banawol.

309 Nimonmon mon In-uyay na In-uyay yana o..ya, o an in-

Binenwahen o..e

310 Hapit nan Iken an nan Iken nana ngadana, o an hi Binenwahen,

311 "Kayaggud nay ballihungon tay Aliguyon Dagdaguyon nayya,

o..ya, o an hi nak Amtalao o..e

312 Nen abuluton Iken an nun Iken nanay ngadana, o an

hi Binenwahen.

313 Hi Iken mon lah-unonay ohladan umaldattanda o..ya, o ad

Banawol nema o..e

314 Ya inlikodnah kino-al nah baleda peh gawana ya gawanadna,

hi ad Banawol;

315 Inkolkol nay gulukay in-ayuduk nah daulon di tumindung an

baleda peh gawana ya gawanadna, Banawol.

316 Ya anhan di pampammakin Iken an nun Iken nayya o..ya, o

an hi Binenwahen o..e

317 "He-a ke man an gulukay an ingkagawan tuh gawana ya gawa

nadna, hi ad Banawol,

318 Omman iknong dakah ballihung Aliguyon Dagdaguyon nayya, o

an hi nak Amtalao o..e"

319 Ya de mon padalaona idawat nah aamod an bulalakkin wadah

giligna ya giddena, an i-Banawol.

320 Ot lagiman dat paliknad da ipabangad dan Iken an nun Iken

nayya o..ya o an hi Binenwahen o..e

17

321 Ot labbakona ta lub-ikon Iken an nun Iken an hi Binenwahen.

322 Ta nen ilintayag nah aamod an bulalakkin na o..ya, o i-

Banawol nema o..e

323 "Umat peh tu nun-oya ballihung Aliguyon Dagdaguyon nayya

o..ya o an hi nak Amtalao o..e"

324 Iken an hogponay tumindung an baleda peh gawana ya gawa

nadna, hi ad Banawol.

325 Pukhuwonay balangbang indawat nuh aamod an bulalakkin na

o..ya, o an i-Banawol nema o..e

326 "Ya ihihipduy yun aamod an bulalakkin wadah giligna ya

gidde na, a a i-Banawol.

327 O ya humalhaldot pamalangbang di in-ungan ohladan umaldat

tanda o..ya, hi ad Banawol nema o..e

328 Inoy an mihabhabuwag day mamagmagyan mamaddikit an wadah

giligna ya gidena, an i-Banawol.

329 An mangtaggam da nah ohladan na umaldattanda o..ya, o ad

Banawol nema o..e

330 Inoy an itnob dan ya imbagnod da hi kagawan tuh gawana ya

gawanadna hi ad Banawol.

331 Ya athidi kabigabigat hi kagawan tuh gawana o..ya, o ad

Banawol nema o..e

332 Inoy ta-wa piboy Bugan an hi Bugan nana, o an in-Aliguyon,

333 An imbad-ungna boh nadulug an alang hi agpawanda o..ya,

ad Nunggidayan nema o..e

334 Iddoy an nadatngan himbtangan boy algodna ya lagodna, ya

nangimbukig

335 Ot emamukung hi Iken ay nun Iken nayya o..ya, an hi

Bilingon o..e

336 Pangpangayanat nadulug an alangda hi agpawanda nun-alan

ganda hi ad Nunggidayan.

337 Inay an dinatnganay unga-ungan hi Bugan an hi Bugan nayya,

o..ya an in-Aliguyon o..e

338 Inay an motmotwaon Iken an nun Iken nana ngadana, o ay

Bilingon

339 Inakayang day munglkabla ya nunhanal-o o..ya, o kabobbo

blenema o..e

340 Ne adi ot ya abu mamuking ibagbaganay ung-ungan mangmang

bun hi hi daulon nah alang hi agpawanda nun-alang

da, o ad Nunggidayan.

18

341 "Man hiddan mun unga-ungan ehimigup an emipangpangbunan hi

nadulug an alang hi agpawanda o..ya, o ad Nunggi

dayan nema o..e"

342 "On dan mibagbagay Bugan an hi Bugan nana, o an in-Aliguyon,

343 An nunlingayak hi nah indinan dallinda kamaligda nangbu

nanda, hi ad Halladung."

344 Iken an podpodnonay Bugan an hi Bugan nayya o..ya, o an

in-Aliguyon o..e

345 Nu nunheglan nunggawa dash kagawan tuh gawana, ad Nunggidayan.

346 Ot ihido da ta hogpon day tumindung an baleda peh gawana

ya gawanadna, ay Nunggidayan.

347 Ya pangug-uggipan da te nahdom nakahillong boy algodna o..

ya, nangimbukig nema o..e

348 Palpal-iwan dat inabungan da tuh gawana ya gawandna, ay

Nunggidayan.

349 Ya nakayang an un-indingngol di ballihung Aliguyon Dagda

guyon nayya o..ya, o an hi nak Amtalao o..e

350 Neyan hindol nay dallinda kamaligda ya nangbunanda, Nunggidayan.

351 Nangnangolan Bugan an hi Bugan nayya o..ya, o an Aliguyon

o..e

352 "Agan di ahan ta gilikot di nunggilig an bulalakkin wadah

giligna giddena, ay Nunggidayan,

353 Ek ibagbaga nadah aamod an bulalakkin na o..ya, o ad

Nunggidayan nema o..e

354 "Ialiyun di anhan ta apulak di nakallulan mimmam Bugan an

ay Bugan nana, o an in-Aliguyon."

355 O an ima-maid yun aamod an bulalakkin na o..ya, o i-

Nunggidayan nema o..e

356 "Ot dehtuy hin-it-tay mu itabbin min humungduh dallinada

kamaligda ya nangbunanda, o ad Banawol,

357 An ekami makiwotnah ballihung Aliguyon Dagdaguyon nayya

o..ya, o an hi nak Amtalao o..e"

358 "Nay ot man e had-on yun di banhan hi Bugan an hi Bugan

nana, o an in-Amtalao,"

359 An ek datngan apun hi Iken an hi Iken nayya o..ya, an hi

Bilingon o..e'

360 Daan mot ihidolmu nah kagawan tuh gawanaya gawanadna, an

hi Bilingo o..e"

19

361 Dinatnganah apunan hi Iken an nan Iken nayya o..ya, o an

hi Bilingon o..e

362 "He-a ke apu ya mangmangbun ka man tuh tumindung an bale

takuh gawana ya gawanadna, an Nunggidayan

363 Ta makikieyak hi aamod an bulalakkin na o..ya, o an i-

Nunggidayan nema o..e

364 "Ondan odika mahdi," kalyon Iken an Iken, o an Bilingon.

365 "Adiyak," an kalyon Bugan an hi Bugan o..ya,

366 Ot makikieh aamod an bulalakkin wadah giligna ya giddena,

ad Nunggidayan.

367 O ya mundalan da nah hinal-on de nunhanal-o o..ya, o

kabobboble nema o..e

368 Ya nihidol dah pantal nah dadaklan he agpawanda nunhawan

ganda, o nunhawanganda, o ad Banawol.

369 An podpodnon day Bugan an hi Bugan nayya o..ya, an in

Aliguyon o..e

370 Loktat indakal dah pingit di pantal nah kadaklan hi agpawanda,

hi ad Banawol,

371 Am ilad-ang dah punbanngan na bananuh agpawanda o..ya, ad

Banawol nema o..e

372 Pal-iwan da nihidol da nah nunggilig an bulalakkin wadah

giligna ad Banawol;

373 Ot in-ohnong dah bongbong di panayawan he ohladan umaldattanda

o..ya, o ad Banawol nema o..e

374 Ya wada kanu on mamagmagyan mamaddikitan di-in i-Banawol

375 An indalilinay panagtaggamna nah ohladan umaldattanda

o..ya, an Banawol nema o..e

376 Inay an hi In-uyay In-uyay an in-Binenwahen

377 Impukdit nan Aliguyon Dagdaguyon nayya o..ya, o an hi nak

Amtalao o..e

378 "Notwaom ke han mangtaggam hi ohladan umaldattanda litaanganda,

ad Banawol."

379 Inligun Aliguyon Dagdaguyon nana o..ya, o an hi nak Amtalao

o..e

380 "Adi man din," kalyon Aliguyon Dagdaguyon nayya, o an hi

nak Amtalao.

20

381 Itnod na di pangang-ang nah madikit an di-i o..ya, i-

Banawol nema o..e

382 Ne an indakal nah bongbong di panayawan hi ohladan umaldattan

da lita-anganda, hi ad Banawol.

383 "Man -u kmoy humalhaldot han balangbang nah ohladan umaldattan

dalita-anganda, he ad Banawol.

384 Bugan an idaldalikdik nan emanagtaggam hi ohladan umaldattanda

o..ya, o ad Banawol nema o..e

385 An mayagyagyag di inhidingnah daulon hi ohladan umaldattan

da lita-anganda, o ad Banawol.

386 An impukdit In-uyay ya In-uyay ana o..ya, o an in-Binenwahen

o..e

387 "Anakaya Aliguyon motwaon keh ohladan umaldattanda litaanganda,

o ad Banawol."

388 Inligun Aliguyon pun-amunanay inikna nah tumindung an

baleda peh gawana ya ganadna, o ad Banawol.

389 Ya adi midlig di bukkakelnah ohladanda umaldattanda o..ya,

o ad Banawol nema o..e

390 Inay tuwe bon hinwitna bimbatangan boy algodna an hi

algodna, ya nangimbukig.

391 O mumpunbangad da moy ginumtad ti nalpu ad indinan ad

dallinda kamaligda, o ad Banawol.

392 In-uyay lah-unonay ohladan umaldattanda o..ya, o ad Banawol

nema o..e

393 Nan-u bot ibangad hi Bugan an hi Bugan nayya o..ya, o an

in-Aliguyon o..e

394 In-uyay in-alawanay taklenan Bugan an hi Bugan nan o..ya,

o an in Aliguyon o..e

395 "Anakayang an adika makibangad," an kalyon In-uyay ana, o

an in-Binenwahen,

396 "Tibom an timalin-away Aliguyon Dagdaguyon nana o..ya, o

an hi nak Amtalao o..e

397 Maka ot ya abu hogpon takuy tumindung an baletakuh gawana

ya gawanadna, hi ad Banawol."

398 Ot hogpon day tumindung an balida peh gawana, o ad Banawol.

399 Imangdad day limingaon inda-dindah dulungda o..ya, o as

Banawol nema o..e

400 On ot ya abuh Bugan an adi munggamal to munhunihuni munhihiga

mun-inawina nah tumindung an baleda peh

gawana ya gawanadya, o ad Banawol.

21

401 Ot nawawaday Aguinaya Aguinayan na o..ya, o an nak Aliguyon,

o..e

402 Ot am-amhon In-uyay ay hi ininit In-uyay nah dulung di

tumindung an baleda

403 An de boy impungngadanah Aguinaya Aguinayay o..ya, o an hi

nak Aliguyon o..e

404 Mungkog-a piboy Aguinaya Aguinaya ngadana, o an nak Amtalao.

405 An iogog-anay nginayona indinan ad dallinda kamaligda, o

ad Gonhadan.

406 An ena ingayoy Aliguyon Dagdaguyon nayya o..ya, o an hi

nak Amtalao o..e

407 In-akdang nah dalan hinal-on di nunhanal-o nah hinal-o

dabobboble

408 Pal-iwan ya pimantal nah pantal hi agpawanda, hi ad Banawol

409 Ta ena id-ongan di bimoblen bulalakkin o..ya, o i-Banawol

nema o..e

410 An duma-da-lup hi pantal hi kadaklan hi agpawanda, hi ad

Banawol.

411 Han teya day in-ungan di bimoblen bulalakkin o..ya, an

i-Banawol nema o..e

412 Inlad-ang mun ohan unga han punbanngan na bananuh agpawanda,

hi ad Banawol.

413 An inay bon Aliguyon Dagdaguyon nayya o..ya, o an hi nak

Amtalao o..e

414 Intiptipen Aliguyon Dagdaguyon nana, o an hi nak Amtalao.

415 An tuwe manhan engumayon binabbaih pantal hi kadaklan hi

agpawanda, o ad Banawol."

416 An in-ohnongna nah punbanngan na bananuh agpawanda o..ya,

o ad Banawol nem a o..e

417 Hadhad-onay Aguinayan Aguinayan na, an nak Amtalao.

418 Nidattong hi kawad-an Aliguyon Dagdaguyon nana o..ya, o an

hi nak Amtalao o..e

419 Ot nen mumbake dah punbanngan na bananuh agpawanda

nunawaanda, ad Banawol.

420 "Mu nganne igohaom an ngumayo," Kalyon Aliguyon Dagdaguyon

nana o..ya, o an nak Amtalao o..e."

22

421 "An ek ingayoh tulangkun hi Aliguyon Dagdaguyon nana

o..ya, o an nak Amtalao o..e

422 "Maka ot ya abu ta gawaon tay kagawan tuh gawana ya gawanadna,

hi ad Banawol,

423 Omman nunyagud hi aydum an hi Bugan an hi Bugan nayya

o..ya o an in-Aliguyon o..e"

424 An impungngadanah Aguinaya Aguinayan na, o ay nak Aliguyon."

425 Ot gumawada bod kagawan tuh gawana o..ya, o ad Banawol

nema o..e

426 Ot ihdol da ot hopogday tumindung an baleda peh gawan ya

gawanadna, e ad Banawol.

427 Aguinayan pundap-uwanay pali agpupuwonay Aguinaya Aguinay

an na na o..ya, o an nak Aliguyon o..e

428 Di-yunan da te nahdom nakahillond di algodna ya hi algodna

ya hi algodna ya nangimbukig.

429 Pal-iwanda an hin-amama han kubbuhan bigbigatdah gawana ya

gawa-gawanadna o ad Banawol.

430 Oya on linutu day limingaon inda-din dah dulungda kay

umayad, hi ad Banawol.

431 Ot mangan da boh hanah limingaon inda-din dah dulungda

o..ya, ad Banawol nema o..e

432 Nabhugda ot idlig day imadadah pamadingan nah baleda peh

gawanaya gawanadna, e ad Banawol.

433 Ney hapit Aguinaya Aguinayan na o..ya, o an hi nak Amtalao

o..e

434 "Kagayud gawaon takuy indina dallinda kamaligda imbunanda,

o ad Huyadan,

435 Ta hidiy kiyuddungan Bugan an hi Bugan nayya o..ya, o an

in-Aliguyon o..e"

436 A humangan da ya in-o ya maki unladana, o In-uyay in-

Binenwahen

437 Ya ne peman abuluton In-uyay ay In-uyay o..ya, o an in-

Binenwahen o..e

438 Kay mun-ogog-ada lah-unon day ohladan umaldattan da ya

litaangan-da, o ad Banawol.

439 Nalmalya dah dalan hinal-on di nunhanal-o o..ya, kabobboble

nema o..e

440 Pal-iwanda inikhop dah pantal ya kadaklan hi agpawanda

nun-awaan-da, o ad Huyadan;

23

441 Ot inlad-ang dah punbanngan na bananuh agpawanda o..ya, o

ad Huyadan nema o..e

442 Numbanbanong dah punbanngan an bananuh agpawanda numpayawanda,

hi ad Huyadan.

443 Kayang mamanalong day aamod an bulalakkin na o..ya, an

i-Huyadan nema o..e

444 Kayang ammunay momondah Bugan an ay Bugan nana, an in-

Aliguyon.

445 Ot ihidol dah atuyug di bimoblenbulalakkin na o..ya, o

Ad Huyadan nema o..e

446 An in-ohnong dah ohladan umaldattanda lita-anganda, o ad

Huyadan.

447 O ya indung-on Dumulao Dumulao ana o..ya, o an nun in-

Amtalao o..e

448 An linah-unay ohladanda umaldattanda lita-anganda, o ad

Huyadan.

449 Ab-abuhanda da Bugan ke Aliguyon Dagdaguyon nayya o..ya, o

an hi nak Amtalao o..e

450 "Kayang di napnaptangan yu hi dalan hi hinal-on di nunhanal-

on nah hinal-o kabobboble."

451 "Ammunan di banhan inan hi Indumulao ay Dumulao ana o..ya,

o an nun in-Amtalao o..e

452 Te indani impidpidwam di bayagmu hinal-on di nunhanal-o

kabobboble."

453 "Nan kaya natun-in Indumulao ay Dumulao ana, lummana, an

nun-in-Amtalao

454 Etaku ot ya abut hogpon takuy tumidnung an baletakuh

gawana ya gawanadna, o ad Huyadan."

455 Hogponda etipok-on day limingaon inda-din dah dulungda

o..ya ad Huyadan nema o..e

456 Ot nangan da nabhugda piwaklin day nunggamalanda ta idlig

day Imadadah pamadingan nah baleda peh gawana ya

gawanadna, o ad Huyadan.

457 Hapitmu aliguyon Dagdaguyon nayya o..ya gawanadna, o an hi

nak Amtalao o..e

458 "Kayagudna Ama Iken an mun Iken nana, o an hi Amtalao

459 Kayagud nay umayauy kami peman ke Bugan an ay Bugan nayya

o..ya, o an in-Aliguyon."

460 Mu on tabalon Iken ay Iken nana, o an hi Amtalao

24

461 Iken ta on maipupuwan Aliguyon Dagdaguyon nana o..ya, o

an nak Amtalao o..e

462 Ot Aliguyon daulanay daulondah ohladanda umaldattanda ya

lita-anganda, nungga-idanda, o ad Huyadan.

463 Lingkodnay kinob-al nah baleda peh gawana o..ya, o ad

Huyadan nema o..e

464 Ingkokolnah gulukay in-ayuduknak kamaligda nah daulon di

baleda peh gawana ya gawanadna, o ad Huyadan.

465 Inakkayay panobotbal Aliguyon Dagdaguyon nana o..ya, an hi

nak Amtalao o..e

466 "He-a ke man an gulukay tuh gawana ya gawanadna, ad Huyadan,

467 Omman itbal dakah uyauymin Bugan an hi Bugan o..ya, o an

in-Aliguyon o..e

468 In-uyuuy mun gulukay nah kagawan tuh gawana ya gawanadna,

o an Huyadan."

469 Ya kolhonat padalaana ot paitnod idawatnah aamod an bulalakkin

o..ya, an i-Huyadan nema o..e

470 Ginibbudan linagimda ot ipabangd dan Aliguyon Dagdaguyon

nana, o an hi nak Amtalao.

471 Hopwaken an lokhaon Aliguyon Dagdaguyon o..ya, o an hi nak

Amtalao o..e

472 O ya intagnah aamod an bulalakkin wadah giligna ya giddona,

an i-Huyadan.

473 Ne umat keh nay uyauymin Bugan an hi Bugan o..ya, o an

in-Aliguyon o..e

474 Aliguyon an hogponay tumindung an baleda peh gawana ya

gawanad-na, hi ad Huyadan,

475 Pukhuwonay balangbang indawatnah aamod an bulalakkin na

o..ya, an in Huyadan nema o..e

476 "Panigtiyon yun aamod an bulalakkin wadah giligna ya

giddena, an i-Huyadan."

477 Humalhaldot kan balangbang hi ohladan umaldattanda o..ya,

o ad Huyadan nema o..e

478 An mihabhabuwag day mamagmagyan mamaddikit an di-in wadah

giligna ya giddana, o ad Huyadan.

479 Indinan dallinda kamaligda, hi ad Huyadan,

480 Inoy wa ot nable kayun mamagmagyan mamaddikit an di-i

o..ya, i-Huyadan nema o..e

25

481 An mungginawa ke way oha on inighopnah tumindung an baleda

peh gawana ya gawanadna, hi ad Huyadan.

482 Athidih kabigbigat tuh kagawan di gawana ya gawanadna

o..ya o ad Huyadan nema o..e

483 Loktat ya nungginaway uyauy da Bugan ke Aliguyon

Dagdaguyon ana, o an nak Amtalao.

484 An nundingkinggnol hi hinal-on di nunhanal-on nah hinal-o

kabobboble nema o..e

485 Ya hinidoldad dallinda kamaligda, o ad Gonhadan.

486 Nangnangolan Dulnuan a Dulnuan nayya o..ya, o an nak

Panga’iwan o..e

487 "An nganne kanuh naen," kalyon Dulnuan nana, o an nak

Panga’iwan

488 "Aga anut giligok di nunggilig an bulalakkin wadah giligna

ya gidddena, o ad Gonhadan,

489 Agandi ta ek piapul ta pangolak hi aamod an bulalakkin

o..ya, i-Gonhadan nema o..e

490 Dulnuan an giligonay nunggilig an bulalakkin wadah giligna

ya giddena, hi ad Gonhadan.

491 inatnganay magawogawong an aamod an bulalakkin na o..ya,

an i-Gonhadan nema o..e

492 An nganne piboy ibagbaga day Dulnuan kay Dulnuan nana, o

ay nak Panga’iwan.

493 "Man bahan hay ibagak ya makimkimaak e da-yun aamod an

bulalakkin na o..ya, an i-Gonhadan nema, o..e"

494 "Ne dehtuy hin-it-ay hi bulunmi mu balunon min humungdu

hi indinan ad dallinda kamaligda ya nangbunanda,

hi ad Huyadan.

495 Man ekami emakiboykat hi uyauy da Aliguyon ke Bugan an

hi Bugan nayya o..ya, o an in-Aliguyon o..e"

496 "Anakkaya banhan had-on yun di banhan hi Dulnuan kay

Dulnuan nana, ngadana, o ay nak Panga’iwan."

497 "Nayya Dulnuan kay Dulnuan ana ngadan, o ay nak Panga’iwan

498 "Ya on maid alittan aman hi Iken an Iken nana o..ya, o an

hi Panga’iwan.

499 "Humapit ka Dangunay ya Dangunay yana, o an in-Panga’iwan,

500 "Mu ot omman puboy on day way kidna," ne kaloyon Indangunay

ya Dangunay o..ya, o an in-Panga’iwan o..e

26

501 Ya Dulnuan ninomnomnay bawotnah nunggilig an bulalakkin

wadah giligna ya giddena, hi ad Gonhadan.

502 Dulnuan giligonay nunggilig an bulalakkin na o..ya, o ad

Gonhadan nema o..e

503 Duldulnuan mon emakibawbawot hi in-ungan di bimoblen

bulalakkin wadah giligna giddena, ad Gonhadan.

504 An nen mumbabawot day in-ungan di bimoblen bulalakkin

wadah giligna ya giddena, an i-Gonhadan.

505 Inay makibawbawot kanuh Dulnuan an Dulnuan nayya o..ya,

o an nak Panga’iwan o..e

506 Hinmapit day aamod an bulalakkin wadah giligna ya giddena,

ay i-Gonhadan.

507 "Ya man-u pubo mu omman nubayagmah tulangumun hi Bugan an

hi Bugan nayya o..ya, o an nak Panga’iwan o..e"

508 "Nganney punhapityun aamod an bulalakkin wadh giligna ya

giddena, o i-Gonhadan?"

509 Inay ima-maid yun aamod an bulalakkin na o..ya, an i-

Gonhadan nema o..e

510 Dulnuan egumawah kagawan tuh gawana ya gawandadna, hi ad

Gonhadan.

511 Inay ibobboh-ol nan inanan hi Indangunay na Dangunay yana

o..ya, o ay in-Panga’iwan o..e

512 "Ay ondan immibayagka ina Dangunay ay Dangunay ya ngadana

o an in-Panga’iwan?"

513 Adi humumbel hi Indangunay ay Dangunay o..ya, o an in-

Panga’iwan o..e

514 "Ot ne immibayagda ina Indangunay ay Dangunay yana, o ay

in-Panga’iwan.

515 Omman ten igohaok an oyak mumpolak hi gamgam takuh kagawan

di gawana ya gawanadna, o ad Gonhadan.

516 An te pang-anap kun tulangkun hi Bugan an hi Bugan nayya

o..ya, o an nak Panga’iwan o..e"

517 Nakaya ina Dangunay an eka mo mumpolak hi odon takuh

kagawan tuh gawana ya gawanadna, hi ad Gonhadan.

518 Indangunay "Nu takon mambo adika ung-unga," kalyonan

Dulnuan na Dulnuan nayya o..ya, o ay nak Panga’iwan

o..e

519 "Damunay kaong-ongalak hi dalan nah hinal-on di nunhanal-o

ya hinal-o, kabobboble;

520 Mu ot hay ke mo id-idduk ya hay balangbang takuh kagawan

tuh gawana ya gawanadna, o ay Gonhadan."

27

521 Dulnuan bo an obananay balangbangna nah kagawan tuh gawana

o..ya, o ad Gonhadan nema o..e

522 Dulnuan malmalya nah dalan hi hinal-on di nunhanal-on nah

ihinal-o o kabobboble.

523 O ya dinatnganay hinal-on di nunhanal-on di hinal-o o..ya,

an kagbobboble nema o..e

524 "Nganney pungngadan tuwen hinal-o di nunhanal-on ya hinalo

ya kabobboble?"

525 "Omman hay e pungngadana ad kagawan tuh gawana ya gawanad

na, o ad Madadyong."

526 "An nganne udot piboy em-iplak," an kalyon dan Dulnuan ke

Dulnuan nayya o..ya, an nak Panga’iwan.

527 "Omman eyak mumpolak hi balangbang hi indinan ad dallinda

kamaligda nangbunanda, hi ad Gonhadan."

528 "Ngan ingkaatna yun aamod an bulalakkin o..ya, an i-

Madadyong nema o..e

529 In-akup nah nundugihan nah kagawan tuh gawana ya gawanadna,

o ad Madadyong.

530 "Ugge ta ginumla," an kalyon di aamod an bulalakkin na

o..ya, an i-Madadyong nema o..e

531 Dulnuan mon malya malyah dalan nah hinal-o di nunhanal-o

o..ya, kabobboble nema o..e

532 Malmalya an inikhopnah pantal nah kadaklan hi agpawanda

awaanda, e ad Madadyong.

533 An kon waday naya ad dallinda kamaligda nangbunanda, hi ad

Huyadan.

534 Imbaganah in-ungan di bimoblen bulalakkin wadah gilig

na yagiddena, ay i-Huyadan.

535 "An nganney impungngadan tuwen hinal-on di nunhanal-o

o..ya, an dabobboble nema o.e"

536 "An mungngadan di kagawan tuh gawana ya gawanadna, hi ad

Huyadan."

537 Gimaway uyauy da Bugan ke Aliguyon Dagdaguyon o..ya, an hi

nak Amtalao o..e"

538 "Kudukdul han nomnom Dulnuan ay Dulnuan nayya ngadana, o

ay nak Panga’iwan.

539 Ot ilad-angnah punbangan na bananuh agpawanda, numpayawan

da, hi ad Huyadan.

540 Nihidol hi atuyug di bimoblen bulalakkin o..ya, o i-Huyadan

nema o..e

28

541 O ya in-ohnong nah ohladan umaldattanda lita-anganda umayodda,

hi ad Huyadan.

542 Inay ot higuponay tumindung an baleda peh gawana ya gawanadna,

he ad Huyadan.

543 Inhablenay balangbangna nah pakid di baeda peh gawana ya

gawanadna, hi ad Huyadan.

544 O ya mummommomay Aliguyon Dagdaguyon nana o..ya, o an

nak Amtalao o..e

545 Ay minotwanah Dulnuan kay Dulnuan nana, o an nak Panga’iwan.

546 An deyan motmotwaon ken Aliguyon Dagdaguyon nayya o..ya,

o an hi nak Amtalao o..e

547 Kalyonay "Inay an kay hi Bugan an hi Bugan nayya o..ya,

o an in-Aliguyon o..e

548 Ot nayan ena inayagan hi Bugan an hi Bugan nayya, o..ya,

o an Aliguyon

549 Bugan minotwanah tulangnan hi Dulnuan ay Dulnuan nana,

ot ahan, o an hi nak Panga’iwan.

550 Nayyay hapit Bugan an hi Bugan nayya o..ya, o an in-Aliguyon

o..e

551 "Omman in-ohhan inatan hi Indangunay di ulle-ullenan he-a,

Dulnuan kay Dulnuan nayya, o an nak Panga’iwan,

552 Mu omman attog eyak iniplak hi ablana," an kalyon Bugan an

hi Bugan nayya o..ya, o ad Huyadan.

553 Dulnuan an inhuyapnay nangina nah ohladan umaldattan,

litaanganda, o ad Huyadan

554 Hi Aliguyon an ne boy hapitnan Bugan an hi Bugan nayya

o..ya, o an in-Aliguyon o..e

555 "Adim aton hina te gulatna bo ya edita hanapon," an kalyon

Aliguyon Dagdaguyon nana, kattoga anhan, o an nak

Amtalao.

556 Ne ot ya abun taul di hapitmu Dulnuan ay Dulnuan nayya

o..ya, o an nak Panga’iwan o..e

557 Inay an nalubyag ka Bugan an hi Bugan, attog anhan, o an

in-Aliguyon.

558 Iniphodna moy hapitnan Dulnuan ay Dulnuan nayya, attoganhan,

an nak Panga’iwan.

559 Himapitka bo Dulnuan ay Dulnuan nayya o..ya, o ay nak

Panga’iwan o..e

560 "Omman kuminailak," mod kalyon Dulnuan ay Dulnuan nana

ngadana, o an nak Panga’iwan.

29

561 "An nangamungak hi tulud di uyauy yuh dagawan tuh gawana

o..ya, o ad Huyadan nema o..e"

562 An kalyon Dulnuan mumbangad mod indina ad dallinda kamaligda

nangbunanda, hi ad Gonhadan.

563 O an na maibangadak di uyauy tuh kagawan di gawana o..ya,

ad huyadan nema o..e

564 Dulnuan mon malyah dalan hinil-on di nunhanal-o ya hinalo

kabobboble

565 Pal-iwanan nihidol hi ni-adanda kagawan tuh gawana o..ya,

o ad Gonhadan nema o..e

566 Neh Pamagbagan inanan hi Indangunay na Dangunay yana,

ngadana o an in-Panga’iwan.

567 "Omman dinatngak di uyauy da Bugan ke Aliguyon Dagdaguyon

nayya o..ya, o an hi nak Amtalao o..e"

568 "O ya ot umat keh na," Kalyon Indangunay na Dangunay yana

ya ngadana, ni-anhan, o an in-Panga’iwan.

569 "O ta tumuludak mo peman," an kalyon Dulnuan ya Dulunan

nayya nayya o..ya, an ay nak Panga’iwan o..e

570 Dulnuan giliginoy nunggiling an bulalakkin wadah giligna

ya giddena, hi ad Huyadan.

571 Umayag hi aamod an bulalakkin na o..ya, an i-Huyadan nema

o..e

572 "Makayu ga-itan yuh Dulnuan ay Dulnuan nana, bo anhan, o

an nak Panga’iwan;

573 Ta tumulud takuh uyauy da Bugan ke Aliguyon Dagdaguyon

nayya o..ya, an hi nak Amtalao o..e"

574 "Innuna mon," kalyon di aamod an bulalakkin wadah giligna

ya giddena o ad Gonhadan.

575 O ya inabulutyun aamod an bulalakkin wadah giligna ya

giddena, an i-Gonhadan.

576 Inay an nadagup da boy aamod an bulalakkin na o..ya, i-

Gonhadan nema o..e

577 Dulnuan mon inlikkodnah kinob-al nah baleda pch gawana ya

gawanadna, hi ad Gonhadan.

578 Ingkokol nah gulukay hi kinob-al nan baleda peh gawana ya

gawanad na, hi ad Gonhadan.

579 Ingkigkingan Dulnuan ay Dulnuan nayya o..ya, o an nak

Panga’iwan o..e

580 Ya an binughutnay liddingan di ambayungan di-i, butung nan

di an dinallingding ding o..e

30

581 Tinandugnay gulukay hi nan gitanganah dulungda

kiddudukiddungda, hi ad Gonhadan.

582 On yaden indakangnah dalan nah hinal-on di nunhanal-o o..

ya, kabobboble nema o..e

583 Pal-iwan day dalan nah hinal-on di nunhanal-o o..ya,

kabobboble nema o..e

584 Inay inikhopdah pantal nah kadaklan hi agpawanda nun

awaanda, hi ad Huyadan.

585 An inlad - angdahi punbanggan na bananuh agpawanda o..

ya, o ad Huyada nema o..e

586 Nihidolnah atuyug di bimoblen bulalakkin wadah gilignaya

giddena, o ad Huyadan.

587 O yag Dulnuan an ena ihabley balangbangnah pakid di baleda

peh gawana ya gawanadna, hi ad Huyadan.

588 O ya Aliguyon an linah-unay ohladan umaldattanda o..ya

o ad Huyadan nema o..e

589 Ne hapitmu Dulnuan ay Dulnuan ay Dulnuan nana, an hi

ayduna o ay nak Panga’iwan.

590 "Tayyayay omay balangbangkun an ibalangbang hi ohladan

taku umaldattanda o..ya, o ad Huyadan nema o..e

591 Ne an tayawan Dulnuan ay Dulnuan nana ngadana, o ay nak

Panga’iwan.

592 Nu inpahaldotnay balangbang hi ohladan umaldattanda o..

ya, o ad Huyadan nema o..e

593 Dulnuan Idaldalilinay panagtanggamna nah ohladan umaldat

tanda lita-anganda, hi ad Huyadan.

594 An hay ke hapit di aamod an bulalakkin na o..ya, an i-

Huyadan nema o..e

595 "Makayyagud di ay-aydun taku peman hinaen mungkablah

nunhanal-o ya an kabobboble."An taggaman Dulnuan

kay Dulnuan nayya o..ya, an ay nak Panga’iwan o..e

596 An taggaman Dulnuan kay Dulnuan nayya o..ya,

o an nak Panga’iwan o..e

597 Indakalnah bobong di panayawan hi ohladan umaldattanda

litaanganda, hi ad Huyadan.

598 An ney hapit bon Dulnuan kay Dulnuan nayya o..ya, o ay

599 "Ne ayya on dan maid inggupmu aydun hi Aliguyon Dagdaguyon

nana, o an hi nak Amtalao?"

600 "Nakaya nadatgayan di kaladakan hi kagawan tun gawana o..

ya, o ad Huyadan nema o..e"

31

601 "O ya yagudnay ilah-un mu banhan di ohan pan-ay hi ohladan

umaldattanda ya lita-anganda, o ad Huyadan."

602 Aliguyon mon ilah-unay ohan pan-ay hi ohladan umaldattanda

o..ya hi ad Huyadan nema o..e

603 Ne hapitmu bo Dulnuan kay Dulnuan nana ngadana, o ay nak

Panga’iwan,

604 On dan maid inid-um muh mamagmagyan mamaddikit an di-i

o..ya, hi ad Huyadan nema o..e"

605 "Omman immaddu day naubo nah kagawan tuh gawana ya gawanadna,

hi ad Huyadan.

606 Ta on pe Aliguyon an umayag hi mamagmagyan mamaddikit an

di-i, an i-Huyadan.

607 O ya kailiyan da ya ibongbong da inkapung dah Dulnuan ya

Dulnuan nana o..ya, o an nak Panga’iwan o..e

608 Nun aliklikwo da indawat Dulnuan kay Dulnuan nana, an nak

Panga’iwan.

609 Dulnuan nanug-ultib indawatnan Aguinaya Aguinayan na o..

ya, o an hi nak Amtalao o..e

610 Pakadawatom Aguinaya Aguinayan na ngadana, o an nak Amtalao.

611 O ya Pal-iwan da mon hin-a-amaingganay mawa-way kubbuhan

nah kagawan tuh gawana ya gawanadna, hi ad Huyadan.

612 Oy ya mon inumda moy uyauy da Bugan ke Aliguyon Dagdaguyon

nayya, o..ya, o an hi nak Amtalao.

613 Dulnuan mo peman an kuyugonay Aguinaya ay Aguinaya na, ot

anhan, o an hi nak Amtalao.

614 Gawaonda mod kagawan tuh gawana o..ya, o ad Gonhadan nema

o..e

615 Ta hidi moy kiyuddungan Aguinaya Aguinaya na, o an hi nema

o..e

617 Huyya ta ne uma-umayauy da mod indina ad dallinda kamaligda

imbunanda, hi ad Gonhadan.

618 Ot ne nun-ingngadan mo peman hi Aguinaya Aguinayan na ya,

o..ya an in-Amtalao o..e

_______________